Job Description

कर्मचारी आवश्यकता सम्बन्धी सूचना

(प्रथम पटक सूचना प्रकाशित मिति: २०८१ भदौ १० गते तद्अनुसार २६ अगष्ट २०२४)

एकिकृत जलश्रोत व्यवस्थापन कार्यक्रम हेल्भेटास नेपालको आर्थिक सहयोगमा कर्णाली तथा सुदुरपश्चिम प्रदेशको जाजरकोट, कालिकोट, दैलेख, सुर्खेत, सल्यान, अछाम र रुकुम पश्चिम जिल्लाहरूमा स्थानिय साझेदार संस्थाहरूद्धारा एकिकृत जलश्रोत व्यवस्थापन कार्यक्रम सञ्चालन गरिदै आइरहेको छ । जाजरकोट जिल्ला र रुकुम पश्चिमका लागि साझेदार संस्था पहाडी क्षेत्र बिकास अभियान (HRDC) जाजरकोटलाई तपशिल बमोजिम पदमा कर्मचारीहरू आवश्यकता भएकोले योग्यता पुगेका नेपाली नागरिकहरूबाट दरखास्त आह्वान गरिएको छ ।

क) पद: कार्यक्रम संयोजक - १ जना

कार्यस्थल: क्लस्टर वा जिल्ला कार्यालय

सुपरिवेक्षक: कार्यकारी निर्देशक

मुख्य कार्यहरु र जिम्मेवारी:

स्थानीय साझेदार संस्थाको कार्यक्षेत्रमा सञ्चालित योजना तथा अन्य क्रियाकलापहरूको योजना तर्जुमा गर्ने, कार्यान्वयन गर्ने , अनुगमन र प्रतिबेदन व्यवस्थापन गर्ने  जस्ता समग्र कार्यमा  कार्यक्रम संयोजकको मुख्य जिम्मेवारी रहनेछ साथै कार्यक्रम  संयोजकले स्थानीय स्तरमा गाउँ तथा नगरपालिका, खानेपानी कार्यालय, विद्यालय, खानेपानी उपभोक्ता समितीहरू र अन्य सरोकारवालाहरूसँग समन्वय गर्दै योजना तथा क्रियाकलापहरूको कार्यान्वयन, अनुगमन र प्रदिबेदन तयार गर्ने  मुख्य जिम्मेवारी कार्यक्रम संयोजकको  हुनेछ  । कार्यक्रम कार्यान्वयनका लागि साझेदार संस्थामा कार्यरत कर्मचारीहरूको नेतृत्व लिई कार्यक्रममा कार्यरत कर्मचारीहरूलाई नियमित मार्गनिर्देशन गर्ने, परिचालन  गर्ने तथा निरीक्षण गर्ने जिम्मेबारी  समेत कार्यक्रम  संयोजक को हुनेछ । विस्तृत कार्य विवरण तल उल्लेख गरिएको छ ।

• कार्यकारी निर्देशकको सहयोग र पालिका वास अधिकृतको समन्वयमा वार्षिक कार्यक्रम कार्ययोजनाको बारेमा अभिमुखीकरण गर्ने र सो अनुसार विभिन्न योजना तथा क्षेत्रमा कर्मचारीहरूको कार्यविभाजन सहित परिचालन गर्ने ।
• योजना तथा अन्य क्रियाकलापहरूको योजना तर्जुमा गर्ने, सम्भाव्यता अध्ययन तथा विस्तृत योजना सर्वेक्षणका लागि आवश्यक समन्वय गर्ने ।
• खानेपानी तथा सरसफाइ योजनाहरूको विस्तृत डिजायन लागत तयार गर्ने र सोको  लागत अनुमान स्वीकृति प्रक्रियाकालागि सहजिकरण गर्ने र कार्यान्वयन तथा पुर्ब पश्च्यातका क्रियाकलापहरूमा संलग्न फिल्ड संयोजक, सब इन्जिनियर र प्राविधिक सहजकर्तालाई आबश्यक प्राबिधिक सहयोग उपलब्ध गराउने हुनेछ ।
• योजना तयारी, कार्यान्वयन तथा निर्माण पश्चात  चरणका विभिन्न तालिमका कियाकलापहरू सञ्चालन गर्न  फिल्ड संयोजक, सब इन्जिनियर र प्राविधिक सामाजिक सहजकर्तालाई सहयोग सहजिकरण गर्ने गराउने ।
• अधिकार प्राप्त नियामक निकायहरूमा खानेपानी योजनाहरू दर्ता गर्न खा.पा.उ.स. लाई आवश्यक सहयोग गर्दै योजनाको समाप्तिका समयसम्म दर्ताको सुनिश्चितता गर्ने ।
• विभिन्न क्रियाकलाप कार्यान्वयनका लागि  नियमित कर्मचारी बैठक सञ्चालन गर्न  कार्यकारी निर्देशकलाई सहयोग गर्ने । 
• अधिकार प्राप्त नियामक निकायहरूमा खानेपानी योजनाहरू दर्ता गर्न खा.पा.उ.स. लाई आवश्यक सहयोग गर्दै योजनाको समाप्तिका समयसम्म दर्ताको सुनिश्चितता गर्ने ।
• स्थानीय उपभोक्ता समिती, संस्था र समुदायहरूको क्षमता विकासका लागि नगर तथा गाउँपालिका तथा योजनास्तरमा आयोजना गरिने विभिन्न अभिमुखीकरण, तालिम तथा गोष्ठीहरूको कार्ययोजना तयार गर्दै तालिममा सहजिकरण गर्ने तथा आवश्यकता अनुसार टिमलाई सहयोग र समन्वय गर्ने ।
• सरसफाइ एवं स्वचछताको  सूचकहरूको सुनिश्चित गर्न घरभेट, समूह छलफल तथा नियमित अनुगमनको प्रणालीको विकास गर्नुका साथै  समुदायलाई स्व अनुगमन मूल्याङ्कन विधि अवलम्वन गर्न लगाउने ।
• योजना सञ्चालनको क्रममा अपनाइने विभिन्न चरण तथा खुड्किलाहरूको कार्यान्वयनमा निर्णायक भूमिकामा लैङ्गकता, सामाजिक समावेशीकरण तथा समुदायमा पछि परेका समुह तथा महिलाहरूको सार्थक सहभागिताको सुनिश्चितता गर्ने ।
• सार्वजनिक सुनुवाई, समिक्षा र परीक्षणमा सहजिकरण गर्ने र सामुहिक जवाफदेहिता, पारदर्शिता र सुशासनको अभ्यास भएको सुनिश्चित गर्ने ।
• नगरपालिका तथा गाउँपालिका समन्वय समिति वैठकहरुका लागि समन्वय गर्दै  सहभागिता जनाउने ।
• नियमित रुपमा कार्यप्रगति समिक्षा गर्ने र नियमितरुपमा योजनाको अनुगमन मा सहभागी हुने ।
• उपभोक्ता समितिलाई गरिने भूक्तानीको हकमा फिल्ड संयोजक वा  प्राविधिक सहजकर्ताले मुल्याकन गरेको नापजांचलाई चेक गर्ने र भूक्तानी प्रक्रियाका लागि काम कारबाही अगाडी बढाउने ।
• सम्झौतामा उल्लेख गरिए अनुसार सञ्चालित क्रियाकलापहरूको त्रैमासिक प्रगति प्रतिवेदन (इ कपी) र वार्षिक प्रगति प्रतिवेदन पुस्तिकाको रुपमा (हार्डकपी) निर्धारित समयसिमा भित्र एकीकृत जलश्रोत व्यवस्थापन कार्यक्रममा पेशगर्न कार्यकारी निर्देशकलाई सहयोग गर्ने ।
• कार्यक्रमको आवश्यकता अनुसार अन्य तोकिएका क्रियाकलापहरू सम्पन्न गर्ने ।

आवश्यक शैक्षिक योग्यता,अनुभव तथा सम्वन्धित कार्यमा दक्षता

• कार्यक्रम संयोजक पदका लागि सिभिल इन्जिनियरिङ विषयमा स्नातक तह उत्तिर्ण गरी कम्तीमा १ वर्ष खानेपानी तथा सरसफाइ क्षेत्रमा सहित जम्मा ३ बर्षको अनुभव भएको हुनु पर्ने छ ।
• स्थानीय स्तरमा कार्यक्रम व्यवस्थापनमा अनुभव र ज्ञान र सीप भएको, नेपाली तथा अंग्रेजीमा साझेदार सस्थाको तर्फबाट आवश्यक पर्ने सम्पूर्ण प्रतिबेदनहरू तयार गर्न सक्षम भएको, लेखन प्रस्तुति कौशल भएको र स्थानीय सरकार तथा सरोकारवालाहरूसँग  समन्वय  गर्ने सक्ने खुबी भएको ।
• Word, Excel, PowerPoint, तथाङ्क विश्लेषण र HR व्यवस्थापनमा सीप र ज्ञान भएको । 
• खानेपानी तथा सरसफाइ योजनाहरूको सर्भेक्षण, डिजाइन तथा लागत इष्टिमेट तयार गर्न सक्नेलाइ ग्राह्यता दिइनेछ ।
• अन्य वांछनीय सीपहरूमा तनाव व्यवस्थापन, समय व्यवस्थापन,सिक्ने सिकाउने मनोवृत्ति, परिणाममुखी र भौगोलिक रूपमा दुर्गम क्षेत्रमा काम गर्ने रुचि भएको ।
• इमान्दारिता र पारदर्शिता प्रदर्शन गर्न सक्षम र लैंङ्गिग तथा समावेशीका सवालमा सचेत भएको ।

ख) पद: प्रशासन  तथा लेखा अधिकृत - १ जना

कार्यस्थल: पालिका क्लस्टर कार्यालय वा कार्यक्रमले तोकिएको पालिका कार्यालय

सुपरिवेक्षक: लेखा संयोजक वा व्यवस्थापक वा लेखा फोकल पर्सन

मुख्य कार्यहरू र जिम्मेवारी

• कर्मचारीहरूको व्यक्तिगत विवरण फाइल विदा  ,मासिक कार्ययोजना र कार्य प्रगतिको अभिलेख राख्ने ।
• लेखाको सिद्धान्त अनुसार आर्थिक कारोवारहरूको निस्सा तथा प्रमाणहरू चेकजाच गर्ने तथा प्रक्रिया सम्मत खर्चहरूको भूक्तानी गर्ने, बजेट र खर्चहरूको नियमित अनुगमन सिट तयार गरी  पालिका फोकल, फिल्ड संयोजक तथा वास संयोजक । अधिकृतलाई जानकारी गराउने र क्रियाकलाप तथा बजेटको आवश्यक  समायोजन  गर्ने ।
• त्रैमासिक रुपमा  कार्यक्रमको आयव्यय  वित्तीय प्रतिबेदन तयार गर्ने र एकीकृत जलश्रोत व्यवस्थापन कार्यक्रमलाई समयसिमा भित्र पठाउने 
• पालिका क्लस्टर कार्यालयको दैनिक प्रशासनिक तथा वन्दोवस्ती सम्बन्धी कार्यहरू गर्ने, कार्यक्रमकोजिल्लामा रहेका जिन्सी सामग्रीहरूको अभिलेखिकरण तथा संरक्षण गर्ने ।
• कार्यक्रम सञ्चालनका लागि आगामी त्रैमासिकमा आवश्यक पर्ने बजेट फिल्ड संयोजकको सहयोगमा तयार गरि हेल्भेटास नेपालमा समयमै अनुरोध गर्ने ।
• कार्यक्रम सञ्चालनको लागि कर्मचारीले लिएको पेश्की रकम समयमा नै परछौट गर्ने गराउने ।  क्रियाकलापहरू कार्यन्वयनको खर्चमा कार्यक्रमको नम्र्स तथा कार्यविधिको पालना गर्ने गराउने र खर्चको पारदर्शिता, एकरुपता कायम गर्दै सुशासनमा प्रतिबद्ध रहने । 
• वार्षिक रुपमा गरिने लेखा परिक्षणका लागि आवश्यक कागजात तयार गरि हेल्भेटास नेपालमा पठाउने ।

उपभोक्ता समितिसँग सम्वन्धित कार्यहरू

• उपभोक्ता समितिहरूलाई वाह्य निर्माण सामाग्री खरिद प्रकृयामा सहयोग गर्ने ,उपभोक्ता समितिहरूको आम्दानी खर्च खाता, बैक नगदी खाता, जिन्सी खाताहरू नियमानुसार राख्न सहजिकरण गर्ने । साथै यस सम्बन्धि थप जानकारी तथा अभिमुखिकरण फिल्डका अरु कर्मचारीहरूलाई समेत गराउने ।
• योजनाको कार्यान्वयन चरणमा सार्वजनिक सुनुवाइ, समिक्षा तथा लेखा परिक्षण सञ्चालनमा फिल्ड संयोजक, सामुदायिक सहजकर्ता लाई सहजिकरणमा सहयोग गर्ने ।
• लेखा व्यवस्थापन तालिम र वाह्रय निर्माण सामग्री खरिद तालिम मा सहजिकरण गर्ने ।
• कार्यक्रमको नीति अनुसार पालिका, वडा तथा योजनास्तरमा सञ्चालन हुने तालिम तथा गोष्ठिहरुमा हुने खर्चको विल, भरपाइ तयारी तथा संकलन लेखा व्यवस्थापनको जिम्मेवारी वहन गर्ने । पालिकाबाट योजनाहरूलाई दिनु पर्ने म्याचिङ्ग रकमको लागि पालिका आर्थिक प्रशासन शाखासँग समन्वय गरि आवश्यक कागजात तयारीमा उपभोक्ता समितिहरूलाई सहजिकरण गर्ने ।
• कार्यक्रमको नतिजा हासिल गर्नको लागि आफ्नो सुपरिवेक्षकले तोकेको अन्य कार्य गर्ने,

आवश्यक शैक्षिक योग्यता, अनुभव तथा सम्बन्धित कार्यमा दक्षता

• मान्यता प्राप्त संस्थाबाट व्यवस्थापन विषयमा स्नातक तह उत्तिर्ण गरि कम्तिमा २ वर्षको कार्य अनुभव हुनुपर्नेछ, आधारभुत कम्प्युटर सम्बन्धी ज्ञान भइ धयचम बलम भह word and excel भएको हुनुपर्ने ।
• समुदाय , उपभोक्ता समिति र संस्थासँग इमान्दारिता र पारदर्शिता प्रदर्शन गर्न सक्षम र लैंङ्गिग तथा समावेशीका सवालमा सचेत भएको ।

ग) पद: प्राविधिक सहजकर्ता (सब–ईन्जिनियर) - १ जना

कार्यक्षेत्र: पालिका क्लस्टर कार्यालय वा कार्यक्रमले तोकिएको पालिका कार्यालय

सुपरिवेक्षक: फिल्ड संयोजक(प्राविधिक

मुख्य कार्यहरू र जिम्मेवारी

• पालिकामा सञ्चालन हुने विभिन्न प्रकारका खानेपानी तथा सरसफाइ योजना, बहुउपयोग,लघु सिंचाइ योजना, स्वच्छता तथा पूर्ण सरसफाइसँग सम्बन्धित योजनाहरूका डिजाइन स्टिमेट अनुसार योजना कार्यान्वयन गराई सोको नियमित सुपरिवेक्षण गर्ने र निर्माण कार्यको गुणस्तर कायम गर्ने ।
• कार्यक्रमको मार्गदर्शन अनुसार समुदाय स्तरमा सञ्चालन गरिने उपभोक्ता समितिका तालिमहरूमा सहजिकरण गर्ने र आवश्यकता अनुसार समुदाय परिचालन गर्ने ।
• कार्य प्रगती अनुसारको नाँप जाँच (MB) तयार गरी आवश्यक विल तयार गर्न उपभोक्ता समितिलाई सहजिकरण गर्ने  ।
• स्थानीय तह, उपभोक्ता समिति, उपभोक्ता तथा दातृ संस्थासँग समन्वय गरि कार्यक्रम सञ्चालनमा सहजिकरण गर्ने ।
• निर्माण चरणमा उपभोक्ता समितिहरूलाई आवश्यकता अनुसार सहयोग गर्ने ।
• वाह्य निर्माण सामाग्री खरिदमा सामाग्रीहरूको गुणस्तर कायम गर्न उपभोक्ता समितिहरूलाई सहयोग तथा सहजिकरण गर्ने ।
• पालिकाबाट विनियोजित समपूरक कोष निकासाका लागि आवश्यक सहजिकरण गर्ने ।
• कार्यक्रमको निति अनुसार खानेपानी तथा सरसफाइ योजनाहरूको सार्वजनिक सुनुवाई, समिक्षा तथा लेखापरिक्षण र विभिन्न चरणका अनुगमनमा सहयोग गर्ने ।
• वार्षिक कार्यक्रम अनुसारका खानेपानी  योजनाहरूको सर्वेक्षण गर्ने, लागत इस्टिमेट तयार गर्ने र लागत इस्टिमेट स्विकृति प्रक्रियाका लागि सहजिकरण गर्ने ।
• सम्पन्न योजनाहरूको नियमित अनुगमन, कोचिंग,तालिम तथा सम्बन्धित पालिकाका योजनाहरूको NWASH मा डाटा अध्यावधिक गर्ने  ।
• निर्माण पूर्ब तथा पश्चातका क्रियाकलापहरू गर्न सहयोग गर्ने ।

आवश्यक शैक्षिक योग्यता, अनुभव तथा सम्वन्धित कार्यमा दक्षता

• मान्यता प्राप्त प्राविधिक शिक्षालयबाट सिभिल ईञ्जिनियरिङ विषयमा डिप्लोमा पास गरी कम्तिमा २ वर्ष खानेपानी तथा सरसफाइ क्षेत्रमा कार्य अनुभव भएको वा सव-ओभरसियर पास गरी कम्तिमा ३ वर्ष खानेपानी तथा सरसफाइ क्षेत्रमा कार्य अनुभव भएको
• सर्भे उपकरणहरू (GPS, Abney level, Auto level, Smart phone) प्रयोग गर्न सक्ने ।
• खानेपानी तथा सरसफाइ योजनाहरूको सर्भेक्षण, डिजाइन तथा लागत इष्टिमेट तयार गर्न वा सोका लागि  फिल्ड संयोजक (प्राविधिक) लाई आवश्यक सहयोग गर्न सक्ने ।
• तोकिएको कार्यविवरण अनुसार सम्बन्धित योजना क्षेत्रहरूमा नै रही कार्य गर्न इच्छुक भएको ।

अन्य

• समुदाय , उपभोक्ता समिति र संस्थासँग इमान्दारिता र पारदर्शिता प्रदर्शन गर्न सक्षम र लैंङ्गिक तथा समावेशीकरणका सवालमा सचेत भएको ।

पारिश्रमिकः दातृनिकायसँग संस्थाको गरेको सम्झौता अनुसार

दरखास्त दिने विधि:

आवेदन  र व्यक्तिगत बिवरण सहित ईमेल ठेगाना hrdc.jajarkotvacancy@gmail.com मा मिति २०८१।०५।१८ (०३ सेप्टेम्बर २०२४)गते कार्यालय समय ५ बजे सम्म दरखास्त दिन सकिनेछ । यसरी दरखास्त दिदा  बायोडाटामा सन्दर्भ व्यक्तिहरूको (Reference) नाम, सम्पर्क नम्बर, आफ्नो इमेल र सम्पर्क नं. समावेश गर्नुपर्नेछ । म्याद नाघी आएका  निवेदनहरू थप छनौट प्रक्रियामा समावेश गरिने छैनन् र भर्ना समितिले पूर्ण वा आशिंक कुनै पनि आवेदन विना शर्त स्वीकृत गर्ने वा नगर्ने अधिकार आफूमा निहित गर्दछ ।

• बाल संरक्षण नितिको पुर्ण रुपमा पालना गर्नुपर्नेछ ।
• प्रारम्भिक छनौटमा परेका उम्मेदवारहरूलाई मात्र लिखित तथा मौखिक छनौट प्रक्रियामा समावेश गरिनेछ ।
• हेल्भेटास नेपाल र यसका साझेदार संस्थाले सकारात्मक विभेदिकरण नीति अवलम्बन गर्ने भएकोले महिला, दलित, जनजाति, सीमान्तकृत तथा स्थानीयलाई प्राथमिकता दिईनेछ ।

x + − ⟲